Unsaon nako pagkopya ang impormasyon gikan sa akong GEDCOM file ngadto sa Family Tree?

Id sa Artikulo: 20841
2022 ноябрь 21

Human nimog upload sa GEDCOM file ngadto sa Pedigree Resource File, puwede nimong kopyahon ang impormasyon ngadto sa Family Tree. Pero, kon kopyahon nimo kining impormasyon dili tinuyong madoble nimo ang mga rekord. Makadugang sab ka sa nasayop nga impormasyon Family Tree, o maka-delete sa impormasyon nga gitampo sa laing user. Imbes kausa ra kopyahon ang tanang impormasyon ngadto sa Family Tree, palihog konsideraha ang manomanong pagbalhin sa impormasyon, nga magbutang lag mga petsa ug detalye nga nahibalo kang sakto.

Kon pilion nimong mopadayon, hinumdumi nga dili awtomatikong makopya ngadto sa Family Tree ang mga pahinumdom, source, multimedia link, ug impormasyon bahin sa buhing mga tawo.

    Sa dili pa ka magsugod

    1. Kadaghanan sa genealogical software motugot sa pag-export sa impormasyon ngadto sa GEDCOM file. Ang mga GEDCOM file mao ang standard sa industriya sa pagbalhin sa impormasyon sa mga programa sa genealogy.
    2. Rebyoha ang impormasyon sa imong GEDCOM file.I-run ang bisan unsang tool sa imong rekord manager nga makabuhat sa mosunod:
      • Pagseguro nga standard ang pagkasulod sa mga ngalan, petsa, og lugar.
      • Seguroa nga andam nang i-share ngadto sa publiko ang imong mga pahinumdom.
      • Tan-awa ang posibleng mga problema.
      • Tan-awa ang nadobleng mga indibiduwal.
      • Tan-awa ang nadobleng mga ngalan sa lugar.
      • Tan-awa ang wala na-attach nga mga indibiduwal.
    3. Pagsusi sa impormasyon. Pangitaa ang data nga dili nimo gustong imantala. I-delete ni ayha nimo himoon ang imong GEDCOM file o markahi ni ingong kompidensiyal.
      • Susiha ang mga pahinumdom og uban pang wala maorganisar nga impormasyon.
      • I-scan sa among mga proseso ang imong file aron mailhan kadtong mga posibleng buhi pa sa imong tree. Wala namo ginamantala ang rekord niadtong mga buhi sa Pedigree Resource File.
    4. Himoa ang imong GEDCOM file o mga file.
      • Kon dili ka kamao, tan-awa ang mga instruksiyon nga uban sa imong programa.
      • Ginarekomendar namo ang gamay nga GEDCOM file. Ang mga file nga naay 100 ka ngalan mas makapasayon sa pagdumala sa proseso sa pagtandi og pagkopya.
      • Kon gusto lang nimong ipreserbar og i-share ang imong file, masudlan nig hangtod sa 100 MB.

    Bahin 1. Pag-upload ug pagtandi sa imong file

    1. I-upload ang imong GEDCOM file sa Pedigree Resource File:
      1. Pag-sign in sa FamilySearch og i-klik ang Pangitaa.
      2. I-klik ang Genealogies. 
      3. I-scroll paubos sa Unsay kalainan sa FamilySearch Genealogies sa FamilySearch Family Tree?
      4. I-klik ang I-upload ang Imong Indibiduwal nga Tree.
      5. I-klik ang I-upload ang GEDCOM file.
      6. I-klik ang Pagpili og File —> pangitaa ang GEDCOM file sa imong kompyuter.
      7. Ibutang ang ngalan sa tree.
      8. Gamit ang field sa Deskripsyon, isulti sa uban kon diin gikan kining tree ug ang bisan unsang detalye nga konektado sa panukiduki.
      9. I-klik ang I-upload ang Imong Indibiduwal nga Tree. Nagsugod na ang proseso sa pag-upload.
    2. Hulata nga ma-upload ang imong file.
    3. I-klik ang Itandi. Makita ang pulong Ginatandi... hangtod makompleto ang proseso sa pagtandi. Inighuman sa proseso sa pagtandi, mahitabo ang mga mosunod:
      • Makadawat kag email sa pagpahibalo gikan sa FamilySearch.
      • Makita sa kolum sa Istado ang pulong nga Andam Na.
      • Makita ang Tan-awa nga button.

    Bahin 2. Pagtan-aw sa sumaryo sa mga resulta

    1. I-klik ang Tan-awa.Ang imong mga resulta gisumaryo base sa mosunod:
      • Posibleng mga Katumbas: Ang gidaghanon sa mga tawong posibleng naa na sa Family Tree. Dug-ol ra ang mga rekord pero dili parehas. Itandi ang mga rekord ug tan-awa kon katumbas ba ni.
      • Idugang sa Family Tree: Ang gidaghanon sa mga tawong wala sa Family Tree. Puwede nimong rebyohon ang kada tawo ug tan-awa kon angay bang idugang Family Tree ang rekord.
      • Naa Na sa Family Tree: Ang gidaghanon sa mga tawong naa na sa Family Tree. Posibleng naay lainlaing mga detalye bahin sa tawo ang imong file. Ikaw ang mag-igo kon unsa nga mga detalye ang ibalhin gikan sa imong file ngadto sa Family Tree.
      • Dili Balido ug Buhi: Ang gidaghanon sa mga tawo sa imong file nga buhi o dili balido base sa sistema. Dili nimo madugang ning mga tawhana sa Family Tree.
    2. Sa pagbalhin sa impormasyon ngadto sa Family Tree, i-klik angIdugang sa Family Tree.

    Bahin 3. Pagrebyo sa Posibleng mga Katumbas nga listahan

    Ang Posibleng mga Katumbas nga listahan naay mga tawo nga naa sa imong GEDCOM file nga posibleng naay poy rekord sa Family Tree. Kada ngalan niini nga listahan naay yellow nga triyanggulo nga naay exclamation point.

    1. Kon wala ipakita ang Posibleng mga Katumbas nga listahan, i-klik ang Posibleng mga Katumbas nga opsiyon sa Filter nga kahon.
    2. Para sa unang tawo sa listahan, itandi ang impormasyon sa wala ug tuo. Ikaw ang mag-igo bahin ba sa mao rang tawo ang impormasyon sa matag kilid.
      • Naa sa wala ang impormasyon nga gikan sa imong GEDCOM file.
      • Naa sa tuo ang impormasyon nga gikan sa Family Tree.
    3. Kon bahin sa mao rang tawo ang impormasyon sa matag kilid, sunda kini nga mga lakang:
      1. I-klik ang Oo. Mogawas ang mga blue nga kahon sa kada impormasyon sa imong GEDCOM file nga lahi sa kon unsay naa sa Family Tree.
      2. Rebyoha ang matag blue nga kahon. Kon ang blue nga kahon naay impormasyon nga mas tukma o kompleto, i-klik ang  Ilisi.Kon mausab imong hunahuna, i-klik ang Ibalik. Kon imong i-klik ang Ilisi, mahitabo ang mosunod nga kausaban sa screen:
        • Mobalhin sa tuong bahin sa screen ang blue nga kahon.
        • Makita sa ibabaw sa screen ang mga button nga I-save ug Kanselaha.
        • Mogawas ang usa ka field diin puwede nimong ibutang ang rason.
      3. Kon imong gibalhin ang impormasyon sa tuong bahin, pagbutang ug rason kon nganong nahibalo ka nga tukma ang impormasyon. I-klik ang I-save.
        • Puwedeng usa lang ka rason ang imong ibutang para sa tanang impormasyon nga imong giilisan. Kon gusto kang magdugang og laing rason, puwede nimo ning himoon gikan sa rekord sa Family Tree. Adto sa Family Tree og i-update ang imong mga rason.
      4. I-klik ang sunod nga tawo sa listahan.
      5. Kon naay kapin sa 10 ka tawo ang listahan, gamita ang Sunod ug Miagi nga mga button aron makabalhinbalhin sa listahan.
    4. Kon bahin sa laing tawo ang impormasyon sa walang bahin, sunda kini nga mga lakang:
      1. I-klik ang Dili Katumbas.
      2. Kon nakita sa sistema nga kapin sa usa ang posibleng katumbas diha sa Family Tree, i-klik angUbang Posibleng Katumbas. I-klik ang matag ngalan sa listahan aron marebyo ni.
      3. Kon gusto nimong idugang ning tawhana sa Family Tree, i-klik ang Idugang. Makopya ang impormasyon ngadto sa Family Tree. 
        • Importante: Ayawg idungag ang mga tawo nga naa na sa Family Tree. Madoble ang mga rekord kon imo ning idugang. Sa ulahi, kinahanglang i-merge nimo o sa uban ang mga nadoble.
      4. I-klik ang sunod nga tawo sa Posibleng mga Katumbas nga listahan.
      5. Kon naay kapin sa 10 ka tawo ang listahan, gamita ang Sunod ug Miagi nga mga button aron makabalhinbalhin sa listahan.

    Bahin 4. Pagrebyo sa Idugang sa Family Tree nga listahan

    Ang Idugang sa Family Tree nga listahan naay mga tawo nga naa sa imong GEDCOM file nga wala sa Family Tree. Naay makita nga "+" sign tupad sa matag ngalan niini nga listahan.

    1. Kon dili makita ang Idugang sa Family Tree nga listahan, i-klik diha sa Filter nga kahon ang Idugang sa Family Tree nga opsiyon.
    2. Rebyoha ang unang tawo sa listahan.
    3. Kon nimo siyang idugang sa Family Tree, i-klik angIdugang.Makopya ang impormasyon ngadto sa Family Tree.
    4. I-klik ang sunod nga tawo sa Idugang sa Family Tree nga listahan.
    5. Kon naay kapin sa 10 ka tawo ang listahan, gamita ang Sunod ug Miagi nga mga button aron makabalhinbalhin sa listahan. 

    Bahin 5. Pagrebyo sa Naa Na sa Family Tree nga listahan

    Ang imong GEDCOM file naa tingaliy mga tawo nga naa na sa Family Tree. Mas tukma tingali ang imong impormasyon kay niadtong naa sa Family Tree. Puwede nimog ibalhin ni nga mga detalye sa rekord sa maong tawo sa Family Tree nga dili ra madoble ang rekord sa maong tawo.

    1. Kon dili makita ang Naa Na sa Family Tree nga listahan, i-klik diha sa Filter nga kahon ang Naa Na sa Family Tree nga opsiyon.
    2. Para sa unang tawo sa listahan, itandi ang impormasyon sa wala ug tuo.Ipaila sa mga blue nga kahon ang impormasyon sa imong GEDCOM file nga lahi sa naa sa Family Tree.
      • Naa sa wala ang impormasyon nga gikan sa imong GEDCOM file.
      • Naa sa tuo ang impormasyon nga gikan sa Family Tree.
    3. Rebyoha ang matag blue nga kahon. Kon ang blue nga kahon naay impormasyon nga mas tukma o kompleto, i-klik ang  Ilisi.Kon mausab imong hunahuna, i-klik ang Ibalik. Kon imong i-klik ang Ilisi, mahitabo ang mosunod nga kausaban sa screen:
      • Mobalhin sa tuong bahin sa screen ang blue nga kahon.
      • Makita sa ibabaw sa screen ang mga button nga I-save ug Kanselaha.
      • Mogawas ang usa ka field diin puwede nimong ibutang ang rason.
    4. Kon gibalhin nimo ang dili moubos sa usa ka blue nga kahon sa wala paingon sa tuo, pagbutang og rason. Ipatin-aw kon nganong mas tukma ang impormasyon gikan sa imong GEDCOM file kay sa impormasyon sa Family Tree. I-klik ang I-save.
      • Puwedeng usa lang ka rason ang imong ibutang para sa tanang impormasyon nga imong giilisan. Kung gusto kang magdugang og laing rason para sa laing impormasyon, paghimog pahinumdom sa numero sa ID sa rekord sa Family Tree. Dayon adto sa Family Tree og i-update ang imong mga rason.
    5. I-klik ang sunod nga tawo sa listahan.
    6. Kon naay kapin sa 10 ka tawo ang listahan, gamita ang Sunod ug Miagi nga mga button aron makabalhinbalhin sa listahan.

    Rekomendadong sunod nga mga lakang

    • Kon dili gustong magpabilin ang imong GEDCOM file sa Pedigree Resource File, i-delete ni.Kon imong i-delete ang imong GEDCOM file gikan sa Pedigree Resource File, tanang impormasyon nga imong gikopya ngadto sa Family Tree magpabilin sa Family Tree.
    • Rebyoha ang impormasyon nga imong gidugang sa Family Tree. Pagdugang og bisan unsang konektado nga mga source, pahinumdom, ug mga rason. Susiha ang posibleng mga nadoble, ug i-merge ang imong mga makit-an.
    • Kon naa kay mga litrato, estorya, o dokumento, i-upload kini sa FamilySearch Memories. Unya i-tag kini aron makita ni sa rekord sa maong tawo sa Family Tree.
    • Aron ma-update ang impormasyon nga imong gi-upload, i-delete ang presenteng GEDCOM file, ug ipasa ang bag-ong bersiyon.

    Konektadong mga artikulo

    Unsaon nako pag-andam ang akong GEDCOM file? 
    Unsay mahitabo sa impormasyon nga gi-upload gikan sa GEDCOM file?

    Nakatabang ba kini?