Palihog ireport ang bisan unsang pag-abuso o dili angay nga sulod nga imong masugatan sa FamilySearch gamit ang feature nga “Ireport ang Pag-abuso”.
Kon adunay nagpadala kanimo og dili angay nga mga mensahe, puwede nimong i-mute ang maong tawo. Human niana, dili na makita ang iyang mga mensahe nganha kanimo. Tan-awa ang impormasyon sa May Kalabotan nga mga artikulo alang sa mga detalye.
Unsay gikonsiderar nga pag-abuso?
Ang pag-abuso, niini nga kaso, nagpasabot nga bisan unsang materyal nga gitipigan sa FamilySearch nga makonsiderar nga makapasakit or makapasilo o dili angay, sama sa mosunod:
- Makapasakit nga pinulongan o sulod
- Impormasyon nga makadaot o makapakaulaw sa buhi nga mga paryente
- Mga link sa mga eksternal nga web page nga adunay dili angay nga sulod
- Pagpangayo og tabang alang sa mga negosyo o serbisyo sa pagsiksik
- Pagsamok
- Politikanhong pamahayag
- Paglapas sa copyright
Ang pag-abuso sa FamilySearch naglakip usab sa pag-post sa patriyarkal nga mga panalangin o sa opisyal nga mga rekord sa templo sa Ang Simbahan ni Jesukristo sa mga Santos sa Ulahing mga Adlaw sa bisan hain niini nga mga dapit:
- Mga Panaghisgot
- Mubo nga mga Sulat
- Mga Panumdoman
- Han-ay sa mga Panghitabo sa Kinabuhi
Unsa ang dili gikonsiderar nga pag-abuso?
Ang mga sayop o mga kausaban sa mga rekord wala isipa nga pag-abuso. Kon duna kay mga pangutana mahitungod sa wala tuyoa o posibleng malisyoso nga mga sayop sa mga rekord nga dili nimo masulbad, palihog kontaka ang Suporta sa FamilySearch.
Ang atong kinauyokan nga polisiya gipatin-aw diha sa Mga Katungod sa FamilySearch ug Impormasyon sa Paggamit, nga makita sa ubos sa kadaghanan sa mga panid sa FamilySearch.
Mga Lakang (website)
- Adto sa usa ka dapit sa FamilySearch diin makareport ka sa pag-abuso:
- Mga Himan: Diha sa Tawo nga pahina sa usa ka indibidwal, pangitaa ubos sa Mga Himan ang link sa Ireport ang Pag-abuso.
- Tigtan-aw sa Handomanan: Sa tigtan-aw sa aytem sa handomanan, pangitaa sa tuo nga bahin sa ibabaw ang link sa Ireport ang Pag-abuso.
- Mga Mensahe: I-klik ang ngalan sa tawo sunod sa usa ka mensahe, ug i-klik ang Ireport ang Pag-abuso.
- Mga tinubdan nga gilakip sa mga indibidwal: Pag-klik og usa ka tinubdan. Ang link sa Ireport ang Pag-abuso makita sa ubos sa titulo sa tinubdan.
- Mga tinubdan nga gisukip ngadto sa mga relasyon: I-navigate ngadto sa tawo nga pahina sa usa ka indibidwal. I-scroll ngadto sa seksiyon nga Mga Sakop sa Pamilya, ug i-klik ang pang-edit nga icon. Pag-klik ang usa ka tinubdan gikan sa seksiyon sa Mga Tinubdan sa Relasyon. Ang Ireport ang Pag-abuso naa sa ubos sa titulo sa tinubdan.
- Sulati ang gikinahanglan nga impormasyon, ug i-klik ang Isumiter. Ang tanang mga report magpabilin nga kompidensiyal.
Mga Lakang (mobile app)
Puwede nimong ireport ang usa ka makapasilo nga mensahe nga imong nadawat diha sa Mga Mensahe sa FamilySearch.
- Ablihi ang FamilySearch nga app sa imong telepono.
- Dapit sa kinaubsan sa tuo nga kilid sa imong screen, tuploka ang Dugang pa. Dayon i-tap ang Mga Mensahe.
- I-tap ang mensahe nga gusto nimong ireport.
- Sa ibabaw nga tuong bahin sa imong screen, tuploka ang tulo ka tuldok (...), ug dayon tuploka ang Ireport ang Pag-abuso.
- Pasabta sa imong rason, ug didto sa tuo nga bahin sa ibabaw sa imong screen, tuploka ang Isumiter.
Mga Lakang (Family Tree Lite)
Walay report sa pag-abuso nga mga button diha sa Family Tree Lite. Hinoon, mahimo nimong i-scroll padulong sa kinaubsan sa bisan asa nga pahina ug i-klik ang Feedback ug Suporta sa pagpadala diri namo og mensahe mahitungod sa malagmit nga pag-abuso.
May kalabotan nga mga artikulo
Unsaon nako pag-mute o pag-block ang usa ka tawo aron dili na makapadala og mensahe kanako?
Unsa ang mga lagda sa mga panaghisgot ug mga mensahe?
Unsa nga mga lagda ang magamit sa pag-upload og mga panumdoman ngadto sa FamilySearch.org?