Ang verification sagad moabot sa pipila ka minuto. Matag karon ug unya, mokabat kini og 2–3 ka oras. Kon dili kini dayon moabot, ania ang pipila ka nag-unang mga butang nga pwede nimong susihon:
- Ang email naggikan sa www.familysearch.org/register/ ug naay nakasulat nga Kompletoha ang Imong Pagrehistro sa FamilySearch nga Account....
- Susiha ang imong junk o spam folder. Pangitaa palihog ang mga termino nga FamilySearch nga account, Kompletoha ang imong pagrehistro, o kining duha. Kon makita nimo ang email sa imong junk o spam folder, ibalhin kini sa imong pangunang folder o inbox. Karon maabli na nimo kini ug ma-klik ang activation link. Ang activation nga mga link dili mogana sa junk o spam folder.
- Susiha ang uban nimong email account.
- Kon nasayop ka sa pagbutang sa imong email address, parehistro lang og usab gamit ang husto nga email address.
- Kon gihimo nimo ang imong account kapin sa 48 oras ang milabay, ang link sa email dili na balido. Parehistro lang og usab.
- Kon abli pa ang window sa pagparehistro, i-klik ang button aron ipadala og usab ang activation email. Hinumdomi nga angayng gamiton ang kinabag-ohang verification email, kay ang mga link sa ubang email dili na balido.
Kon maka-sign in ka sa imong FamilySearch nga account, palihog buhata kini. Dayon pilia ang imong ngalan sa tuong bahin sa ibabaw, ug pilia ang Settings aron ma-verify nga aktibo na ang imong opsiyon sa pagrekober.
Pwede nimong gamiton ang imong email address, numero sa mobile phone, o kining duha isip opsiyon sa pagrekober sa account.
- Opsiyon sa email address:
Sa ubos sa imong email address, kon dili pa kini aktibo, makita nimo ang: I-verify kini nga address. I-klik ang gi-hyperlink nga mga pulong ug basaha kini nga mensahe:
“Palihog Susiha ang Imong Email
“Ang verification email gipadala ngadto sa [email address dinhi]. Kon ma-verify na, pwede nimong gamiton ang email address aron marekober ang imong impormasyon sa pag-sign in. Ang verification link mo-expire sulod sa 48 oras.”
Naa ka niini nga mga opsiyon: Ipadala pag-usab ang email o Isirado.
- Opsiyon sa numero sa mobile phone:
Kon dili aktibo ang usa ka numero sa telepono, makita nimo ang: I-verify kini nga numero sa telepono. Kon i-klik nimo ang gi-hyperlink nga mga pulong, makita kini nga mensahe:
“Susiha ang mga Mensahe sa Text
“Ang verification code gipadala ngadto sa +1 [numero sa telepono dinhi] aron kini nga numero magamit sa FamilySearch sa pagrekober sa account.
“I-type ang Verification Code”
[Ang kahon sa pag-type sa code ania dinhi].
Naa ka niini nga mga opsiyon: I-CANCEL, I-RESEND ANG CODE, ug I-VERIFY sa ubos sa screen.
Kon naa gihapon kay problema sa pag-set up ug pag-activate sa imong FamilySearch nga account, kontaka dayon ang FamilySearch.
May kalabotan nga mga artikulo
Unsaon nako paghimo og libreng account sa FamilySearch?
Makahimo ba ko og mga account nga parehas og email address?
Unsaon nako sa paghimo og libre nga account alang sa usa ka bata?