Unsaon nako pag-upload ang akong GEDCOM file?

uniqueIdLabel: 20843
2022 ноябрь 21

Ma-upload nimo ang GEDCOM file aron idugang ang impormasyon sa imong kasaysayan sa pamilya ngadto sa Pedigree Resource File (PRF). Makita sab sa mga user sa FamilySearch ang imong kasaysayan sa pamilya, pero dili nila ni mausab. 

Human nimo ma-upload ang imong file, dili mawala ang imong bug-os nga kontrol niini. Puwede nimong:

  • I-delete ang file gikan sa Pedigree Resource File.
  • Ilisan og bag-o ang file.
  • Itandi ang imong GEDCOM file sa Family Tree ug ibalhin ang impormasyon ngadto sa Family Tree.

Sa dili pa ka magsugod

  1. Lagmit ma-export nimo ang impormasyon ngadto sa GEDCOM file gamit ang genealogical software nga imong ginagamit. Ang mga GEDCOM file mao ang standard sa industriya sa pagbalhin sa impormasyon sa mga programa sa genealogy.
  2. Rebyoha ang impormasyon sa imong GEDCOM file.Tan-awa kon naay mga sayop gamit ang mga tool sa imong tigdumala sa rekord:
    • Seguroa nga standard ang pagkasulod sa mga ngalan, petsa, og lugar.
    • Seguroa nga andam nang i-share ngadto sa publiko ang imong mga pahinumdom.
    • Tan-awa ang posibleng mga problema.
    • Tan-awa ang nadobleng mga indibiduwal.
    • Tan-awa ang nadobleng mga ngalan sa lugar.
    • Tan-awa ang wala na-attach nga mga indibiduwal.
  3. Susiha ang impormasyon nga gusto nimong isumiter para sa bisan unsang di nimo gustong imantala:
    • Susiha ang mga pahinumdom og uban pang wala maorganisar nga impormasyon. Markahig kompidensiyal ang impormasyon nga dili nimo gustong imantala, o i-delete kini. Dayon himoa ang GEDCOM file.
    • I-scan sa among mga proseso ang imong file aron mailhan kadtong mga posibleng buhi pa sa imong tree. Dili makita sa Pedigree Resource File ang mga rekord sa buhi.
  4. Himoa ang imong GEDCOM file.
    • Kon dili ka kamao, tan-awa ang mga instruksiyon nga uban sa imong programa.
    • Kon nagplano kang kopyahon ang impormasyon ngadto sa Family Tree, ginarekomendar namo nga magsumiter kag gagmayng GEDCOM file nga dili molapas sa 100 ka ngalan. Human ma-upload, mas sayon na ang proseso sa pagtandi ug pagkopya tungod sa gagmayng file.
    • Kon gusto lang nimong ipreserbar og i-share ang imong file, masudlan nig hangtod sa 100 MB.

Mga Angayng Himoon (website)

  1. Pag-sign in sa FamilySearch og i-klik ang Pangitaa
  2. I-klik ang Genealogies. 
  3. I-scroll paubos sa "Unsay kalainan sa FamilySearch Genealogies sa FamilySearch Family Tree?"
  4. I-klik ang I-upload ang Imong Indibiduwal nga Tree.
  5. I-klik ang I-upload ang GEDCOM file.
  6. I-klik ang Pagpili og File —-> pangitaa ang GEDCOM file sa imong kompyuter.
  7. Ibutang ang ngalan sa tree.
  8. Gamit ang field sa Deskripsyon, isulti sa uban kon diin gikan kining tree ug ang bisan unsang detalye nga konektado sa panukiduki niini.
  9. I-klik ang I-upload.

Mga Angayng Himoon (mobile app)

Sa pagkakaron, dili available sa Family Tree mobile app ang mga pag-upload sa GEDCOM. Aron maka-upload og mga file, bisitaha ang FamilySearch website.

Mga Angayng Himoon (Family Tree Lite)

Sa pagkakaron, dili available sa Family Tree Lite ang mga pag-upload sa GEDCOM. Aron ma-upload ang imong mga file, bisitaha ang tibuok website.

Mga Resulta

Na-upload ang imong GEDCOM file, ug gidugang ni sa sistema ngadto sa Pedigree Resource File. Ang proseso puwedeng dangtan og 30 minutos. Mas dugay ang proseso sa pag-upload kon mas dako ang imong GEDCOM file.
Dihang makompleto na ang proseso sa pag-upload, mapangita ug makita na sa tanang user sa FamilySearch ang impormasyon niini.

Konektadong mga artikulo

Unsaon nako pag-andam ang akong GEDCOM file?
Unsaon nako pagkopya ang impormasyon gikan sa akong GEDCOM file ngadto sa Family Tree?
Unsay mahitabo sa impormasyon nga gi-upload gikan sa GEDCOM file?

moduleTitle