Unsaon nako paglakip og mga hint sa rekord sa Family Tree?

Id sa Artikulo: 21357
2022 декабрь 27

Maayong paagi ang mga hint sa rekord aron mapauswag ang mga estorya sa imong mga katigulangan sa Family Tree. Mogawas ni sa profile sa imong katigulangan dihang makakita ang kompyuter og bag-ong source nga naundan tingali sa ilang impormasyon. Puwede nimong susihon ang source ug ikaw ang mag-igo kon angay ba ning ilakip sa ilang profile o dili.

Ilakip ang tanang tukma nga mga hint sa rekord, bisan pag nadoble kini. Kinahanglang gamiton lang ang "dili katumbas" nga button kon walay impormasyon bahin sa katigulangan ang source.

Mga Angayng Himoon (website)

  1. Sa FamilySearch nga website, pangitag hint sa rekord.Makita nimo sila niining mga dapita:
    • Sa home page sa Rekomendadong mga Buluhaton nga listahan
    • Sa tanang paagi sa pagtan-aw sa Family Tree. Kinahanglang makita sa Landscape, Portrait, Unang Katigulangan, o Kaliwat nga mga paagi sa pagtan-aw ang mga icon sa hint sa rekord, nga ingon niini og dagway: o , samtang makita ang mga hinti sa rekord sa Fan Chart nga paagi sa pagtan-aw kon imong i-klik ang Tabang sa Pagpanukiduki. Kon naay usa ka tawo nga naay mga hint sa rekord, mahimong blue ang tile.
    • Sa tuong bahin sa page sa tawo sa Family Tree, sa Tabang sa Pagpanukiduki
  2. I-klik ang hint ug dayon i-klik ang Rebyoha ug Ilakip.
  3. Sa page sa Source Linker, segurohang natungod ang mga tawo sa wala ngadto sa mga tawo tuo.
    1. Sa wala nga bahin sa screen, pangitaa ang tawo nga wala matungod, ug tan-awa kon asa siya angayng moadto.
    2. Kon gipakita ang seksiyon sa mga anak, ginikanan o igsoon (wala gipalapdan), i-klik ang ling nga Ablihi aron mabalhin ang rekord sa hustong lugar.
    3. I-klik ang ngalan sa tawo nga wala matungod, ug pislita ang button sa mouse.
    4. I-drag ang tawo ngadto sa saktong lugar sa screen.
  4. Kon ang sayop nga kapikas o ginikanan ang mogawas sa tuong bahin sa screen, himoang husto ang impormasyon:
    1. I-klik ang Tanang Kapikas > o Tanang Ginikanan>.
    2. I-klik ang hustong kapikas o ginikanan.
    3. Kon makita sa rekord sa kasaysayan ang kapikas o mga ginikanan nga wala sa Family Tree, i-klik ang(wala sa ibabaw).
  5. Ilha kon katumbas ang hint sa rekord:
    1. Para sa kada tawo, i-klik ang link nga Itandi (icon nga paperclip) kon dili awtomatikong moabli ang seksiyon.
    2. Itandi ang mga ngalan, petsa, relasyon, ug lokasyon.
    3. Ilha kon ang hint sa rekord sa wala bahin ba sa tawo o pamilya nga naa sa tuo. Kon mao, ipadayon. Kon dili, i-klik ang Dili Katumbas, pagbutang og rason, ug i-klik ang OK.
  6. Kon katumbas ang hint sa rekord, ilakip kini sa kada tawo sa Family Tree diin kini katumbas:
    1. Balik sa gipokusang tawo, ug i-klik ang link nga Itandi tali sa duha ka kilid sa screen.
    2. Kon ang rekord naay mga detalye nga wala sa Family Tree, i-klik ang + Idugang. Dili nimo mailisan ang impormasyon nga naa na sa Family Tree sa mas maayong impormasyon gikan sa rekord. Manomanong buhata ang maong mga update.
    3. I-type ang rason.
    4. I-klik ang Ilakip.
    5. Usba ni nga lakang para sa kada tawo sa rekord sa kasaysayan.
  7. Aron ilakip ang source sa mga ugangan, apohan, o ubang paryente nga wala sa presenteng screen, usba ang gipokusang tawo:
    1. Sa walang bahin sa screen, i-klik angUsba.
    2. I-klik ang bag-ong gipokusang tawo.
    3. Sa tuong bahin sa screen, seguroha nga napili ang mao rang tawo. Kon wala, i-klik ang Usba sa tuong bahin sa screen.
    4. I-klik ang tawo, o ibutang ang numero sa ID sa tawo.
    5. I-klik ang Usba ang Gipokusang Tawo.
  8. Aron makita kon naay dugang impormasyon ang aktuwal nga rekord, i-klik ang Tan-awa ang Imahe.
  9. Dihang dili kompleto ang mga petsa o lugar, puwede nimo ning kompletohon.
    • Paghimog nahiangayng kausaban aron mapakita ang hustong petsa.
    • Pagdugang og detalyadong pahinumdom aron mapatin-aw kon nganong gibutang nimo ang petsa ug reperensiya sa source.

Mga Angayng Himoon (mobile app)

Ablihan sa ubang rekord ang mobile nga bersiyon sa source linker. Sama nig mga instruksiyon nga makita sa Website nga seksiyon niini nga artikulo.

  1. Sa Family Tree mobile app, pangitaa ang icon sa hint sa rekord. Makita nimo sila niining mga dapita:
    • Sa mga Katigulangan nga naay mga Buluhaton nga listahan.
    • Sa mga detalye sa tawo, sa ibabaw sa screen, ibabaw sa ngalan.
  2. I-tap ang icon sa hint sa rekord, dayon ang rekord nga gusto nimong itandi, ug dayon ang Itandi.
  3. Itandi ang impormasyon sa duha ka kilid sa screen.
  4. Kon wala sa Family Tree ang impormasyon sa wala (ang dokumento) ug gusto nimo ning idugang, gamita ang usa sa mosunod:
    • Idugang: I-tap kini aron idugang ang nawalang impormasyon sa Family Tree.
    • Icon nga Lapis: I-tap kini aron i-edit ang naa na sa Family Tree o para ilisan ang kon unsay naa sa Family Tree sa kon unsay naa sa dokumento.
  5. Kon ang dokumento motumbas sa tawo gikan sa tree, i-tap ang Oo, Ilakip. Kon wala, i-tap ang Dili Katumbas.
  6. Kon ang dokumento naa poy impormasyon bahin sa ubang sakop sa pamilya, i-tap ang Rebyoha ang Uban.
  7. Rebyoha ang kada tawo:
    • Kon katumbas ang dokumento pero wala pa ni malakip ngadto sa tawo, i-scroll paubos, ug i-tap ang Oo, Ilakip.
    • Kon dili katumbas ang dokumento, i-tap ang Dili Katumbas.
    • Kon nalakip na sa hustong tawo ang dokumento, i-tap ang Sunod aron moadto sa sunod nga sakop sa pamilya.
    • Kon nalakip ang dokumento sa sayop nga tawo, i-tap ang Ibulag.
  8. Kon narebyo na nimo ang tanang sakop sa pamilya, i-tap ang Nahuman na.

Mga Angayng Himoon (Family Tree Lite)

Walay mga hint sa rekord ang Family Tree Lite.

Konektadong mga artikulo

Unsa ang mga hint sa rekord sa Family Tree?
Unsaon nako paglakip ang ubang tawo sa hint sa rekord sa Family Tree?
Unsay akong buhaton sa mga hint sa rekord sa Family Tree nga dili magkatumbas?
Unsaon nako pagdugang ang nawala nga mga sakop sa pamilya ngadto sa Family Tree gikan sa hint sa rekord?
Ang source nga gusto nakong ilakip sa Family Tree nalakip ngadto sa laing tawo

Nakatabang ba kini?