Ang mga limitasyon sa pag-access sa mga indeks diha sa FamilySearch nagagikan sa mga kasabotan sa pagkolekta og rekord tali sa FamilySearch ug kauban nga mga organisasyon. Kon kita makig-uban sa interesado nga ikatulong mga grupo, makatabang kini sa FamilySearch nga makasangkap gayod og dugang nga pag-access ngadto sa mas daghang rekord sa tanang mogamit sa site.
Sa pipila ka sitwasyon, kini nga mga kasabotan makahatag nato og pagtugot sa pagpaambit sa piho nga mga rekord sa limitadong paagi—ngadto sa mga mobisita sa Family History Library o personal nga mobisita sa lokal nga mga sentro sa family history, pananglitan.
Ania ang pipila ka posibling mga solusyon nga angayng sulayan kon ang usa ka indeks nga gusto nimong tan-awon dili available online:
- Pangitaa sa Catalog aron makita kon ang susama nga mga rekord available sa lahi nga format.
- Konsultaha ang Research wiki sa pagpangita og ubang mga tinubdan sa impormasyon alang sa lugar nga gusto
- Pangutana sa FamilySearch Community alang sa tabang sa pagsiksik.
- Sulayi sa pag-access ang mga rekord nga anaa sa mas ulahi nga petsa. Ang among mga kasabotan mahimong mausab sa paglabay sa panahon, ug kanunay kaming maningkamot sa paghimo og mas daghan pang mga rekord nga available sa among mga tiggamit.
May kalabotan nga mga artikulo
Ngano nga ang FamilySearch nakig-uban sa laing mga organisasyon?