Makapahinam ang pag-adto sa templo sa unang higayon aron sa pagbuhat sa proxy nga mga pagbunyag. Kadtong nagsimba sa sulod sa balay sa Ginoo kinahanglan nga makatutok sa katahom ug mga panalangin nga kasinatian sa templo ug ang kahinam nga makaserbisyo sa mga minahal. Ang Tabang sa Ngalan sa Pamilya usa ka tool nga gidisenyo aron sa pagtabang sa bag-o nga mga miyembro ug sa kabatan-onan nga makatutok sa kasinatian sa templo kay sa proseso sa pag-andam sa ngalan, diin mahimong dili pamilyar sa uban.
Ang Tabang sa Ngalan sa Pamilya nagpayano sa pag-andam sa mga ngalan pinaagi sa awtomatik ug sa pagpahigayon sa daghang gikinahanglang mga lakang. Ang bisan kinsa nga lider sa ward o mga consultant sa family history makagamit sa Tabang sa Ngalan sa Pamilya nga wala magkinahanglan og kasinatian sa FamilySearch o family history. Tungod niini, nahimong mas gipili nga paagi ang Tabang sa Ngalan sa Pamilya sa pagtabang sa mga miyembro sa Simbahan sa mas dali ug sayon nga pagreserbar sa ilang unang pipila ka ngalan sa pamilya nga dad-on ngadto sa templo alang sa proxy nga mga bunyag, nagtabang kanila nga makatutok ngadto sa Manluluwas ug sa mga panalangin sa paghiusa sa ilang pamilya sa kahangturan.Ang templo ug family history nga mga consultant makaakses na karon sa Tabang sa Ngalan sa Pamilya pinaagi sa Leader and Clerk Resources (LCR) diha sa ChurchofJesusChrist.org pinaagi sa bag-ong update
. Kini nga kausaban naghatag sa mga consultant og akses sa tibuok fuctionality sa Tabang sa Ngalan sa Pamilya.
Paggamit sa Tabang sa Ngalan sa Pamilya diha sa Leader and Clerk Resources.
Ang Tabang sa Ngalan sa Pamilya mopahimo niini nga yano ang pag-andam sa mga ngalan sa pamilya alang sa proxy nga mga bunyag ug mga kompirmasyon. Awtomatik kini nga mohimo og mga account sa FamilySearch, mopahigayon sa pagbutang sa anaa na nga impormasyon sa mga miyembro mahitungod sa patay na nga paryente ngadto sa ilang family tree (lakip ang pagsusi alang sa mga pagdoble), paghimo og mga reserbasyon sa ordinansa, ug nagtanyag og daghang opsiyon alang sa pagprinta sa mga kard sa ngalan sa pamilya. Ug kini mohimo niining tanan nga wala nagkinahanglan og bisan unsang nag-unang kasinatian diha sa FamilySearch o sa family history.
Ang mga consultant sa kanhi makagamit sa Tabang sa Ngalan sa Pamilya apan dili makaakses niini pinaagi sa Leader and Clerk Resources sama sa mga lider sa ward. Uban sa bag-o nga akses ngadto sa Leader and Clerk Resources, ang mga consultant karon adunay bag-o nga mga kapabilidad sa Tabang sa Ngalan sa Pamilya. Pananglitan, ang mga consultant makagamit na karon sa Tabang sa Ngalan sa Pamilya sa abilidad sa awtomatik nga paghimo og account ug pag-akses sa FamilySearch, ug sila makalihok alang sa tawo nga gitabangan. Bisan ang mga miyembro mahimong magkinahanglan og tabang sa pagkat-on kon unsaon sa pag-akses sa FamilySearch.org alang sa ilang kaugalingon unya, ang paggamit sa Tabang sa Ngalan sa Pamilya alang nila sa pagkakaron makatabang nila nga sayon ra makareserba sa mga ngalan alang sa ilang sunod nga kasinatian sa pagserbisyo diha sa templo.
Unsaon Pag-akses sa Tabang sa Ngalan sa Pamilya
Ang mga consultant karon makagamit sa Sugdan Na nga button diha sa Tabang sa Ngalan sa Pamilya nga web page aron makaderitso sa tool diha sa LCR. Sila usab makasunod sa mga lakang sa pag-akses sa Tabang sa Ngalan sa Pamilya gikan sa Leader and Clerk Resources:
- Sign in sa ChurchofJesusChrist.org gamit ang imong account sa Simbahan.
- I-scroll ngadto sa laray sa mga link sa application, ug iklik ang Leader and Clerk Resources.
- Diha sa LCR nga menu sa ibabaw, iklik ang Templo. Ang drop-down nga menu maghatag nimo og opsiyon sa pag-akses ngadto sa Tabang sa Ngalan sa Pamilya.
- Human nimo iklik ang "Tabang sa Ngalan sa Pamilya," ang usa ka page maabli diin imong masugdan sa pagtabang sa mga miyembro sa pagdugang sa impormasyon mahitungod sa ilang mga katigulangan ug sa pagprinta sa mga kard sa ngalan sa pamilya alang sa mga bunyag ug mga kompirmasyon sa templo.
Pahinumdom: Kon ang consultant dili makakita sa Tabang sa Ngalan sa Pamilya diha sa LCR, ilang susihon uban sa ilang klerk aron sa pagseguro nga ang ilang calling insakto nga pagkarekord.
Pagtabang sa mga Lider sa Ward sa Paggamit sa Tabang sa Ngalan sa Pamilya
Palihog hinumdomi nga ang mga lider sa matag ward o branch makagamit usab sa Tabang sa Ngalan sa Pamilya pinaagi sa LCR aron sa pagtabang sa bag-o nga mga miyembro ug kabatan-onan, ug ang tool wala nagkinahanglan og kasinatian sa paggamit sa family history. Kini gidisenyo aron kadtong nagtabang na sa mga miyembro nga makaandam alang sa templo makatabang usab nila sa pagprinta sa ilang unang mga ngalan sa pamilya ug matagamtam ang mga panalangin sa pagserbisyo sa ilang kaugalingong mga paryente dihadiha dayon human nila madawat ang ilang rekomend sa templo.
Ang tool usab mapuslanon sa mga grupo nga dungang nagtambong sa templo aron sa pagbuhat sa proxy nga mga pagbunyag. Kon si bisan kinsa sa kabatan-onan diha sa grupo nga dili makakita o makaprinta sa usa ka ngalan pinaagi sa Andam na nga mga Ordinansa alang sa ilang kaugalingon (sama sa kon nakalimot sila sa ilang impormasyon sa account), ang usa ka lider o consultant makatabang dayon kanila sa pagreserba ug pagprinta sa ngalan sa pamilya gamit ang Tabang sa Ngalan sa Pamilya.
Samtang mahimo kanang pamilyar pinaagi niining yano apan gamhanan nga tool, makatabang ka nga mahimong komportable usab ang uban niini. Mahimo usab nimong ikonsiderar ang pagpangayo og tabang sa imong lider sa templo ug family history, presidente sa kurom sa mga elder, presidente sa Relief Society aron nga maseguro nga tanan niadtong adunay akses sa Tabang sa Ngalan sa Pamilya diha sa Leader and Clerk Resources nasayod niini ug komportable sa paggamit niini.
Human ang usa ka miyembro miapil sa mga ordinansa sa proxy alang sa suod nga mga paryente ug magkat-on bahin sa templo pinaagi sa ilang unang pipila ka mga kasinatian, ang mga consultant sa family history adunay importante usab nga tahas sa pagtabang sa mga miyembro nga mahimong pamilyar gamit ang Andam na nga mga Ordinansa diha sa FamilySearch.org. Ang kanunay nga paggamit sa Andam na nga mga Ordinansa ug pagdugang sa unsay ilang nasayran ngadto sa FamilySearch Family Tree mopalambo sa abilidad sa mga miyembro sa pagserbisyo sa ilang mga katigulangan diha sa templo, nag-abli sa pultahan aron matagamtam ang tibuok kinabuhi nga malipayong pagserbisyo sa templo ug mga pagdiskobre sa family hiostory.
Sa FamilySearch nagpakabana kami mahitungod sa pagkonektar kanimo ngadto sa imong pamilya, ug naghatag kami og libre nga makalingaw nga pagdiskobre nga mga kasinatian ug mga serbisyo sa family history. Ngano man? Tungod kay gimahal namo ang mga pamilya ug nagtuo nga ang pagkonektar og mga henerasyon makapalambo sa atong mga kinabuhi karon ug sa kahangtoran. Kami usa ka organisasyon nga dili pangnegosyo nga gipaluyohan sa Ang Simbahan ni Jesukristo sa mga Santos sa Ulahing mga Adlaw. Aron makat-on pa og dugang mahitungod sa among mga tinuohan, iklik dinhi.
